Польская Памежная служба паведамляе, што ў качэўе на беларускім баку каля польскай Кузніцы, беларусы прывезлі дровы і харчовыя прадукты для мігрантаў, якія там застаюцца. «Беларусы рыхтуюцца да працяглага ўздзеяння на Польшчу і дэстабілізацыі нашай мяжы», – пішуць памежнікі ў Твітары.
Раней Міністэрства ўнутраных спраў і адміністрацыі апублікавала ў сацсетках відэа, на якім па беларускай мяжы едуць два грузавікі, імаверна, з вайскоўцамі. Мігранты пачынаюць бегчы за грузавіком. Пад фільмам было напісана, што беларускія службы дастаўляюць неабходныя матэрыялы, бо на мяжы з Польшчай ідзе падрыхтоўка да стварэння вялікага лагера мігрантаў.
Тое, што мігранты атрымліваюць пастаўкі з беларускага боку ў Твітары пацвярджае таксама прэс-сакратар міністра-каардынатара спецслужбаў Станіслаў Жарын. Паводле яго, апрача прадуктаў харчавання і вады мігранты атрымліваюць таксама інструменты для знішчэння агароджы і будаўніцтва лагераў.
На апублікаваных ім фотаздымках, сярод іншага, бачна, як хутчэй за ўсё беларускія памежнікі нясуць сякеру і нажніцы да дроту.
IAR/аз