Сярод мігрантаў, якія прадпрымаюць спробы нелегальнага перасячэння беларуска-польскай мяжы, няма сем’яў з дзецьмі, паведаміла капітан Крысціна Якімік-Ярош з прэс-службы Падляскай памежнай варты. «Характар інцыдэнтаў на мяжы мяняецца», – заявіла яна і адзначыла, што памежную агароджу цяпер часцей разбураюць беларускія памежнікі, без удзелу мігрантаў.
Памежнікі паведамляюць пра інцыдэнты «псіхалагічнай правакацыі». Напрыклад: «На беларускім баку мяжы з’явіўся чалавек у балаклаве, які выдатна валодаў польскай мовай і пачаў пытацца, ці не шкадуем мы, што не будзем калядаваць з сям’ёй».
Па словах Якімік-Ярош, мігранты, якіх затрымліваюць памежнікі і дастаўляюць на памежную лінію, цяпер у асноўным маладыя, моцныя мужчыны. Жанчыны здараюцца вельмі рэдка, сярод затрыманых не было непаўналетніх.
Таксама расце колькасць выпадкаў затрымання мігрантаў, якія перайшлі мяжу ЕС у іншай краіне, перш за ўсё ў Літве.
PAP/нг