Цяпер можна атрымаць амаль 19 000 злотых датацыі на набыццё электрамабіля, у выпадку шматдзетных сем'яў нават 27 000 злотых.
Нацыянальны фонд аховы навакольнага асяроддзя і воднай гаспадаркі прымае заяўкі на даплаты на набыццё электрычнага аўтамабіля таксама ад прадпрыемстваў і ўстаноў.
Кіраўнік Нацыянальнага фонду Мацей Хароўскі нагадаў, што акрамя даплаты на набыццё электрамабіляў установа плануе падтрымліваць развіццё інфраструктуры электра і вадародных заправак.
Мацей Хароўскі ацаніў, што цікавасць да праграмы вялікая, але тэмпы рэалізацыі будуць залежаць ад наяўнасці электрамабіляў. Ён падкрэсліў, што колькасць зваротаў, якія падаюць у Нацыянальны фонд, расце.
«Мы таксама запусцілі лізінг і можна будзе набываць электрычныя транспартныя сродкі ў лізінг, таму мы разлічваем, што ў нас будзе значны рост цікавасці да электрамабіляў. На дадзены момант адна з галоўных перашкод - гэта абмежаваны доступ да транспартных сродкаў», - растлумачыў чыноўнік.
ПР/юл