Хутчэй за ўсё, 10 студзеня дзеці вернуцца на заняткі ў школы, паведаміў міністр аховы здароўя Польшчы. Тым ня менш Адам Нядзельскі (Adam Niedzielski) засцярог, што рашэнні ў гэтым пытанні будуць залежаць ад сітуацыі з пандэміяй. Паводле прагнозаў, варыянт амікрон пачне дамінаваць у Польшчы ў канцы студзеня:
- Калі прагнозы пацвердзяцца, то дзеці, хутчэй за ўсё, у студзені вернуцца на заняткі ў школы, дарэчы на кароткі час, паколькі неўзабаве пачнуцца зімовыя канікулы. Аднак рашэнні будуць прымацца з улікам развіцця эпідэмічнай сітуацыі ў краіне.
Нагадаем, з 20 снежня па 9 студзеня ва ўсіх пачатковых і сярэдніх школах у Польшчы ажыццяўляецца дыстанцыйнае навучанне. Абмежаванне не распаўсюджваецца на дзіцячыя садкі і іншыя формы дашкольнай адукацыі.
За апошнія суткі ў Польшчы было выяўлена 14 325 новых выпадкаў каранавіруснай інфекцыі. З учорашняга дня памерлі 709 пацыентаў, хворых COVID-19.
IAR/ аз