Прэзідэнт Анджэй Дуда накіраваўся ў Кіеў на сустрэчу з прэзідэнтам Уладзімірам Зяленскім

Разам з прэзідэнтам Польшчы ва Украіну адправіліся таксама прэзідэнты Эстоніі, Латвіі і Літвы.

Разам з прэзідэнтам Польшчы ва Украіну адправіліся таксама прэзідэнты Эстоніі, Латвіі і Літвы.

Jakub Szymczuk/KPRP/twitter.com/prezydentpl

Прэзідэнт Польшчы Анджэй Дуда накіраваўся ў Кіеў, паведамілі прадстаўнікі яго адміністрацыі. Разам з кіраўніком Польшчы ва Украіну накіраваліся прэзідэнты Літвы, Латвіі і Эстоніі. У Кіеве яны сустрэнуцца з прэзідэнтам Уладзімірам Зяленскім, сказаў міністр з Канцылярыі прэзідэнта Польшчы Павел Шрот (Paweł Szrot):

- Спадар прэзідэнт накіраваўся ў Кіеў разам з прэзідэнтамі Літвы, Латвіі і Эстоніі. Там яны сустрэнуцца з прэзідэнтам Уладзімірам Зяленскі. Гэта ўсё, што я магу на на дадзены момант сказаць. Паколькі візіт адбываецца на тэрыторыі ваенных дзеянняў, то пра ніякія дэталі, датычныя парадку дня візіту я сказаць не магу.

Учора ў Жэшаве на поўдні Польшчы прэзідэнты Польшчы, Літвы і Латвіі, а таксама міністр замежных спраў Эстоніі сустрэліся на спецыяльным саміце і абмеркавалі сітуацыю ў рэгіёне і спосабы падтрымкі ўкраінцаў.

Prezydenci Polski, Estonii, Łotwy i Litwy w drodze na spotkanie z Prezydent @ZelenskyyUa. pic.twitter.com/UOKz0diuxm

— Kancelaria Prezydenta (@prezydentpl) April 13, 2022

У сярэдзіне сакавіка ў Кіеве з візітам пабывалі прэм'ер Матэвуш Маравецкі і віцэ-прэмʼер Яраслаў Качыньскі.

У сваю чаргу на мінулым тыдні ўкраінскую сталіцу наведалі старшыня Еўракамісіі Урсула фон дэр Ляен, кіраўнік дыпламатыі ЕС Жазэп Барэль, а таксама прэмʼер Славакіі Эдуард Хегер. Таксама на мінулым тыдні Кіеў наведаў прэмʼер Вялікабрытаніі Барыс Джонсан.

IAR /аз