Кіраўнік урада Польшчы наведвае Сілезскае ваяводства.
Прэм'ер-міністр Матэвуш Маравецкі паведаміў, што ўрад рыхтуе праграму, якая захавае цэны на вугаль да іх павышэння. Праграму распрацоўваюць міністры клімату і аховы навакольнага асяроддзя Ганна Москва (Anna Moskwa) і міністр дзяржаўных актываў Яцэк Сасін (Jacek Sasin).
«Гэта надзвычай важна як для грамадзян, якія карыстаюцца вугалем, якія выкарыстоўваюць вугаль для гарачай вады, ацяплення, асабліва ў восеньскі і зімовы сезон, так і для невялікіх мясцовых цеплаэлектрастанцый», — сказаў Матэвуш Маравецкі.
Кіраўнік урада адзначыў, што ўрад хоча, каб асобныя тыпы хатніх гаспадарак куплялі вугаль па цэнах, якія яны могуць сабе дазволіць.
«Я таксама не хацеў бы, каб праграма фінансавала больш забяспечаных людзей, таму мы прапануем улічваць узровень даходу на аднаго члена сям'і. У залежнасці ад узроўню даходу на аднаго члена сям'і мы будзем рэфінансаваць гэтую розніцу цалкам або часткова», – сказаў Маравецкі.
Матэвуш Маравецкі таксама заявіў аб павелічэнні здабычы каменнага вугалю ў Польшчы. Кіраўнік урада дадаў, што дамовы на пастаўкі вугалю заключаныя з Калумбіяй і іншымі краінамі.
IAR /вх