PKP Polskie Linie Kolejowe падпісала пагадненне з Цэнтрам транспартных праектаў ЕС аб суфінансаванні трох інвестпраектаў. Размова ідзе пра мадэрнізацыю чыгуначных станцый Warszawa Zachodnia і Warszawa Główna, а таксама пра работы, звязаныя з адаптацыяй чыгуначнай станцыі Warszawa Gdańska да большай колькасці пасажыраў.
Ужо завершана мадэрнізацыя станцый Warszawa Główna і Warszawa Gdańska. Працы, звязаныя з абсталяваннем Warszawa Główna для пасажырскіх перавозак, уключалі будаўніцтва новых платформаў, будаўніцтва частковага даху, сістэмы інфармавання пасажыраў, а таксама будаўніцтва пешаходнага моста, які дазваляе хутка дабрацца да станцыі з раёнаў Охота і Воля. Работы былі неабходныя ў сувязі з планаванай мадэрнізацыяй гарадской трасы.
На станцыі Warszawa Zachodnia цяпер вядуцца рамонтныя работы. Станцыя будзе цалкам накрытая, а на платформы можна будзе дабрацца па зручным падземным пераходзе. Станцыя будзе злучана з запланаваным трамвайным вузлом новага маршруту з Вілянова, ён цяпер будуецца.
Арнольд Брэш, віцэ-прэзідэнт PKP PLK, сказаў, што грошы ЕС дазволяць рэфінансаваць інвестыцыі. Раней яно фінансавалася з іншых крыніц, у асноўным з дзяржаўнага бюджэту.
Агульны кошт усіх суфінансаваных кантрактаў складае амаль 2 мільярды 640 мільёнаў злотых.
Завяршэнне мадэрнізацыі станцыі Warszawa Zachodnia плануецца на мяжы 2023 і 2024 гадоў.
IAR / вх