Міністр спорту і турызму Каміль Бартнічук (Kamil Bortniczuk) заявіў, што байкот Алімпійскіх гульняў з боку Польшчы, калі ў іх возьме ўдзел Расія, – гэта рашэнне, якое будзе выкарыстана ў крайнім выпадку.
Гаворка ідзе пра шматэтапны план, падрыхтаваны Міжнародным алімпійскім камітэтам для ўдзелу расійскіх і беларускіх спартсменаў у летніх Гульнях у Парыжы і зімовых у Мілане ў 2026 годзе. Камітэт лічыць, што ніводнаму спартсмену нельга перашкаджаць удзельнічаць у спаборніцтвах толькі з-за яго пашпарта.
Польшча з такім падыходам не пагаджаецца, але таксама не хоча, каб праз байкот не ўдзельнічаць у гульнях, сказаў міністр Каміль Бартнічук.
- Нашай мэтай не з'яўляюцца алімпійскія гульні без Польшчы, ці без Украіны. Гэта было б курʼёзам, калі б аказалася, што Украіна -ахвяра Расіі не будзе ўдзельнічаць, а Расія будзе. Ад 24 лютага мінулага году нічога не змянілася ў паводзінах Расіі, таму няма прадпасылак для змякчэння санкцыяў. І мы будзем намагацца пераканаць да такога падыходу Міжнародны алімпійскі камітэт і ўвесь спартовы свет.
Міністр Бартнічук нагадаў, што Польшча прапанавала Міжнароднаму алімпійскаму камітэту стварыць для расіян і беларусаў каманду ўцекачоў, каб яны не выступалі пад сцягамі краінаў-агрэсараў.
IAR/яс