У гэтым годзе дабрачынная арганізацыя каталіцкага касцёла Caritas Polska пашырае сваю праграму дапамогі ва Украіне «Сямʼя – сямʼі». У Кіева-Жытомірскай епархіі дагэтуль падтрымку атрымалі 650 семʼяў. Цяпер Caritas Polska падтрымае семʼі з Харкаўскай вобласці.
«Сем’і, асабліва шматдзетныя, ужо стаяць на ўліку ў нашым цэнтры», – паведаміў ксёндз Войцех Стасевіч, дырэктар Caritas-SPES Харкаў.
- У Харкаўскай вобласці вельмі вялікая запатрабаванасць у гэтай праграме, таму, што там вельмі шмат семʼяў, якія пакутуюць, у прыватнасці ад расійскай агрэсіі пакутуюць дзеці. Кожны дзень мы ўносім на ўлік 40 семʼяў, у нас толькі такія магчымасці, але кожны дзень мы атрымлівае каля 300 мэйлаў з пытаннямі, аб тым, як доўга будзе працаваць гэты праект, да калі можна рэгістравацца.
Дапамогу атрымаюць яшчэ пяцьсот семʼяў, гэта каля тысячы пяцісот чалавек у Харкаўска-Запарожскай дыяцэзіі.
Найбольш малазабяспечаныя семʼі атрымліваюць прамую грашовую дапамогу, прыкладна дзве тысячы чатырыста грыўняў на чалавека. Праграма Caritas Polska павінна быць рэалізавана да канца гэтага года.
IAR/яс