Банда падманула кампаніі ў многіх краінах свету. Затрыманыя палякі могуць быць датычнымі да адмывання грошай.
Групоўка махляроў займалася фішынгам, то бок выдачай сябе за людзей і ўстановы ў інтэрнэце. Злачынцы выдаваліся за прадстаўнікоў банка і паведамлялі пра нібыта змену нумара рахунку кампаніі. Такім чынам яны перахапілі пераводы на агульную суму 6 мільёнаў злотых. Махляры падманулі кампаніі з Італіі, Нідэрландаў, Кітая, Аб'яднаных Арабскіх Эміратаў, Перу і Аргенціны.
Нядаўна затрыманыя ў Любельскім ваяводстве палякі павінны былі адмываць брудныя грошы. Паліцыя канфіскавала ў іх мабільныя тэлефоны, камп'ютары і карты памяці.
У Люблінскім аддзеле Нацыянальнай пракуратуры іх абвінавацілі ва ўдзеле ў арганізаванай злачыннай групе і адмыванні грошай. Двое з іх змешчаны ў СІЗА. Ім пагражае да 10 гадоў пазбаўлення волі.
ПР/юл