У чарговы раз пілоты пасажырскага самалёта, які рыхтаваўся да пасадкі ў аэрапорце імя Шапэна ў Варшаве, заўважылі беспілотнік на небяспечнай адлегласці.
«Агенцтва аэранавігацыйнага абслугоўвання Польшчы» PAŻP, «Польскія аэрапорты» PPL і авіякампанія LOT у сумеснай заяве паведамляюць, што справа перададзеная ў праваахоўныя органы.
«Пацвярджаем сённяшнюю падзею прыкладна ў 40 км ад аэрапорту імя Шапэна, за межамі яго тэрыторыі. Пілоты самалёта LOT паведамілі аб знаходжанні ў паветранай прасторы беспілотніка. Агенцтва аэранавігацыйнага абслугоўвання Польшчы і кампанія «Польскія аэрапорты» цесна супрацоўнічаюць у прадухіленні падобных інцыдэнтаў», – гаворыцца ў паведамленні.
У траўні ў ваколіцах варшаўскага аэрапорту адбыліся ўжо два падобныя небяспечныя інцыдэнты.
яс/IAR