1 і 2 ліпеня ў Сувалках на Падляшшы пройдзе ХІХ Яцвягскі археалагічны пікнік. Сёлета да арганізацыі мерапрыемства далучыўся ўрадавы цэнтр GovTech.
Пікнік з'яўляецца найбуйнейшым археалагічным мерапрыемствам у гэтай частцы краіны. Ён прасоўвае гэтак званую эксперыментальную археалогію, якая закранае далёкае мінулае і заключаецца перш за ўсё ва ўзнаўленні і дэманстрацыі старых рамёстваў, штодзённага жыцця ў дагісторыі і ў ранняй гісторыі.
Падчас мерапрыемства традыцыйна будзе працаваць кірмаш з керамікай, тэкстылем, драўлянымі ўпрыгожаннямі і кавальскімі вырабамі. Пройдуць гульні і забавы, стральба з лука і кіданне дзіды. Ёсць таксама паказы сярэднявечнай зброі.
Яцвягі прыбылі на тэрыторыю сённяшняй Сувальшчыны прыкладна ў V стагоддзі да нашай эры. Гэта быў ваяўнічы народ. Яцвягі былі заваяваны Тэўтонскім ордэнам у раннім сярэднявеччы.
У 1955-1966 гадах у горадзе Швейцарыя каля Сувалкаў быў знойдзены і даследаваны курганны могільнік, які адносіцца да рымскага перыяду і перыяду перасялення народаў. У цяперашні час гэта археалагічны запаведнік плошчай каля 4 гектараў, на тэрыторыі якога адбываецца Яцвягскі археалагічны пікнік.
PAP/аз