Праект будзе ўключаць у сябе, сярод іншага: абсталяванне кожнай станцыі добраахвотнай пажарнай службы машынай хуткай дапамогі і навучанне пажарных службаў навыкам хуткай медыцынскай дапамогі.
«Мы пададзім законапраект, які прадугледжвае, што кожная пажарная станцыя добраахвотных пажарных дружын будзе мець машыну хуткай дапамогі і што пажарныя будуць мець сертыфікаты фельчара», – сказаў старшыня парламенцкага клуба «Права і справядлівасць» Марыюш Блашчак.
На думку былога міністра нацыянальнай абароны, каб на Польшчу не пасыпаліся бомбы, неабходна ўзмацніць Войска Польскае. «Менавіта мы забяспечылі аднаўленне супрацьпаветранай і супрацьракетнай абароны Варшавы. Яе не было падчас кіравання кааліцыі PO-PSL», – адзначыў Блашчак.
Закон аб грамадзянскай абароне, які распрацоўваецца Міністэрствам унутраных спраў і адміністрацыі сумесна з Міністэрствам нацыянальнай абароны, павінен уключаць комплекснае рашэнне ў выпадку розных відаў крызісных сітуацый. Новы закон, сярод іншага, вызначае задачы грамадзянскай абароны ў мірны і ваенны час, органы і арганізацыі, якія рэалізуюць гэтыя задачы, прынцыпы планавання грамадзянскай абароны. Таксама прадугледжваецца ўдакладніць прынцыпы дзеяння сістэмы апавяшчэння, папярэджання і інфармавання пра пагрозы, уліку і выкарыстанне ахоўных збудаванняў, функцыянаванне і арганізацыю грамадзянскай абароны. У законе таксама будуць вызначаны парадак прызначэння асабовага складу грамадзянскай абароны і канкрэтныя сродкі фінансавання задач па грамадзянскай абароне.
PAP/вх