Польшча – другая пасля ЗША краіна ў свеце, якая будзе выкарыстоўваць радыётэхнічную аэрастатную сістэму «Барбара», падкрэсліў віцэ-прэм’ер і кіраўнік мінабароны Уладзіслаў Касіняк-Камыш (Władysław Kosiniak-Kamysz).
Сёння ў прысутнасці амбасадара ЗША Марэка Бжазіньскага палітык падпісаў дамову аб пастаўцы чатырох паветраных суднаў, якія будуць задзейнічаныя ўздоўж усходняй і паўночна-ўсходняй межаў Польшчы.
Кошт кантракту – каля 960 мільёнаў долараў. Пакупка была фінансаваная за кошт крэдыту, выдзеленага Польшчы ЗША.
Паводле міністра, гэта важны элемент узбраення, які павышае магчымасці і бяспеку Польшчы:
- Гэты кантракт вызначае нашу бяспеку. Гэта чарговы акт супрацы паміж Польшчай і ЗША. Гэта вельмі важна, што мы будзем здольныя эфектыўна супрацоўнічаць.
Амбасадар ЗША ў Польшчы Марк Бжазіньскі адзначыў, што вайна ва Украіне паказала неабходнасць такіх сістэм перад пагрозай з боку Усходняй Еўропы.
Разведвальныя аэрастаты «Барбара» маюць магчымасць выяўляць шырокі спектр абʼектаў, такіх як ракеты, самалёты, беспілотнікі і надводныя караблі. Далёкасць выяўлення абʼектаў аэрастатамі складае больш за 300 кіламетраў.
IAR/аз