У красавіку найцяплей было ў Варшаве, а найбольш сонечна - на мяжы з Беларуссю

Сёлета красавік у Польшчы быў цяплейшым за норму і вельмі сонечным месяцам.

Здымак мае ілюстрацыйны характар.

NoName/pixabay.com/CC0 Public Domain

Тэмпература надвор’я ў красавіку перавысіла норму, ацанілі ў Інстытуце метэаралогіі і воднай гаспадаркі Польшчы. Максімальная тэмпература наблізілася да 30 градусаў Цэльсія, а станоўчая анамалія сярэдняй тэмпературы склала больш за два градусы на значнай тэрыторыі краіны.

Найбольшая тэмпературная анамалія была зафіксаваная ў Варшаве - яна склала два з паловай градуса. У сваю чаргу, працягласць сонечнага ззяння была найбольшай у горадзе Тэрэспаль на мяжы з Беларуссю — яна склала 142 працэнты ад нормы.

Найкарацейшая працягласць сонечнага ззяння была зафіксаваная ў горадзе Кола (Koło) ў Вялікапольшчы і склала 52 працэнты ад нормы.

IAR/аз