Супрацоўнікі Люблінскага аддзялення Нацыянальнай падатковай адміністрацыі затрымалі транспарт з 5 тонамі шын для грамадзянскіх самалётаў Boeing, транзіт якіх праз тэрыторыю Беларусі і Расіі забаронены міжнароднымі санкцыямі.
«Паводле дакументаў, гэта былі аўтамабільныя шыны», — сказала прэс-сакратар Нацыянальнай падатковай адміністрацыі Юстына Пасячыньска(Justyna Pasieczyńska):
- Функцыянеры мытна-падаткoвай службы падчас кантролю грузавога аўтамабіля на польска-беларускім памежных пераходзе ў Карошчыне выявілі, што замест заяўленых аўтамабільных шын, кіроўца перавозіць шыны для грамадзянскіх самалётаў Boeing, транзіт якіх праз тэрыторыю Расіі і Беларусі ахоплены санкцыямі і забаронены. Груз адправіла кампанія з Іспаніі атрымальніку ў Азербайджане.
Тавары, на якія распаўсюджваюцца санкцыі, былі затрыманыя. Па справе праходзіць расследаванне.
IAR/аз