Раённая пракуратура ў горадзе Кросна (поўдзень Польшчы) расследуе абставіны аварыі падчас аўтагонак, якія адбываліся ў нядзелю на тэрыторыі мясцовага аэрапортa. Аўтамабіль маркі BMW, якім кіраваў 27-гадовы мужчына, уехаў у натоўп гледачоў.
Як паведаміў пракурор Кшыштаф Здунэк (Krzysztof Zdunek), праводзяцца дзеянні па ўстанаўленні ходу мерапрыемства і праверцы таго, ці меў арганізатар усе неабходныя дазволы і дакументы:
- Сёння пройдуць допыты арганізатара мерапрыемства, а таксама кіроўцы аўтамабіля, які ўдзельнічаў ва ўчарашняй аварыі.
Расследаванне будзе праводзіцца з мэтай паставіць абвінавачванне ў прычыненні пагрозы жыццю і здароўю многіх людзей.
Нагадваем, у выніку аварыі 18 чалавек атрымалі траўмы, 5 знаходзяцца ў бальніцы — адзін з іх у цяжкім стане.
У выратавальнай аперацыі ўдзельнічалі больш за 40 пажарных, 10 машын хуткай дапамогі, 3 верталёты службы хуткай медыцынскай дапамогі.
IAR/аз