Уведзенае ўрадам прэм'ер-міністра Дональда Туска ў канцы сакавіка абмежаванне права на прытулак на польска-беларускай мяжы прыносіць адчувальныя вынікі. Як паведамляе Rzeczpospolita, колькасць заяў аб міжнароднай абароне цяпер знаходзіцца на рэкордна нізкім узроўні, а спробы нелегальнага перасячэння мяжы знізіліся амаль удвая.
Цяпер рэкордна нізкая колькасць заяў аб абароне з часу пачатку гібрыднай вайны, якая доўжыцца з мая 2021 года. За першыя два месяцы былі прынятыя заявы аб міжнароднай абароне толькі ад 29 замежнікаў з уразлівых груп, выключаных з забароны, гэта вынікае з даных Галоўнага ўпраўлення Памежнай службы. Сярод людзей, у якіх прынялі заявы аб абароне, — 77-гадовая грамадзянка Расіі, два 17-гадовыя падлеткі з Емена і Сірыі, а таксама дзве цяжарныя жанчыны з Камеруна.
Колькім замежнікам было адмоўлена, спасылаючыся на новы закон? Такія заявы падавалі толькі 23 нелегальныя імігранты. Годам раней у той жа перыяд, гэта значыць з 27 сакавіка па 22 мая 2024 года, у Падляскім і Набужскім аддзелах Памежнай службы замежнікі падалі амаль 800 заяў аб абароне, якія ахоплівалі больш за 860 чалавек. Прыпыненне прадастаўлення прытулку прывяло да зніжэння колькасці заяўнікаў амаль на 97%.
Выданне дадае, што таксама знізілася, амаль удвая, колькасць спроб перасячэння мяжы, гэта паказвае відэаманіторынг на мяжы.
вх