У 2024 годзе колькасць самагубстваў у Польшчы знізілася на 7 працэнтаў у параўнанні з папярэднімі гадамі. Колькасць самагубстваў сярод асоб ва ўзносьце да 19 гадоў зменшылася на 12 працэнтаў. Гэта вынік сацыяльных праграм і большага досведу ў тым, як дапамагаць у крызісных сітуацыях.
Згаданая тэма абмяркоўвалася падчас канферэнцыі пад загалоўкам: «Прафілактыка самагубстваў – задача для ўсіх нас», арганізаванай у Міністэрстве ўнутраных спраў і адміністрацыі.
З 2024 года ўводзяцца стандарты паводзін для функцыянераў паліцыі, муніцыпальнай паліцыі і пажарнікаў адносна кантактаў з людзьмі, якія знаходзяцца ў стане суіцыдальнага крызісу.
«Гэта важная праграма падрыхтоўкі супрацоўнікаў, якая рэалізуецца ў рамках Нацыянальнай праграмы аховы здароўя на 2024-2025 гады», – падкрэсліў намеснік міністра ўнутраных спраў і адміністрацыі Чэслаў Мрочэк.
Штогод у Польшчы ў выніку самагубстваў памірае амаль 5 000 чалавек. Найбольш распаўсюджаны фактар, які вядзе да суіцыду – гэта гвалт, крыніцай якога з’яўляецца таксама інтэрнэт.
Паводле экспертаў, гвалт з боку аднагодкаў у інтэрнэце расце, што павялічвае рызыку самагубства ў сем разоў.
IAR/аз