Тэрмін «забойства на дарозе» можа з'явіцца ў польскім заканадаўстве. Члены парламента працуюць над прапановай Міністэрства юстыцыі. Паводле экспертаў, да змяненняў у правілах заахвочваюць апошнія прыклады жахлівых смяротных аварый на польскіх дарогах.
Барбара Круль(Barbara Król) з Асацыяцыі партнёрства па бяспецы дарожнага руху ацаніла, што аўтамабіль – гэта прылада ў руках патэнцыйнага злачынцы:
- Калі я вырашу нанесці камусьці шкоду такой прыладай, бо ж я ведаю, што калі я сабʼю кагосьці на хуткасці сто кіламетраў у гадзіну, то ён не выжыве; ведаю наступствы, напрыклад, кіравання аўтамабілем пад уздзеяннем нейкага наркатычнага рэчыва. Мы ўсе гэта ведаем – гэта не зʼяўляецца для нас нечаканасцю. Таму, я лічу, што пакаранне за гэта павінна быць такім жа, як і за забойства, бо для мяне няма розніцы, забʼе хтосьці мяне ці кагосьці з блізкіх нажом ці машынай. Тут ніякай розніцы няма. Вынік адзін і той жа – мёртвы чалавек.
Паводле экспертаў тэрмін «забойства на дарозе» не зʼяўляецца чымсьці новым у еўрапейскім заканадаўстве.
Тэрмін «забойства на дарозе» прымяняецца, сярод іншага, у дачыненні да кіроўцаў, якія ўчынілі смяротныя аварыі пад уздзеяннем алкаголю або наркотыкаў.
У цяперашні час смяротнае ДТЗ караецца пазбаўленнем волі на тэрмін да 8 гадоў. Калі вінаваты знаходзіўся пад уздзеяннем алкаголю або наркотыкаў, максімальнае пакаранне складае 12 гадоў пазбаўлення волі.
IAR/аз