У першай палове лістапада на восем дзён будзе зачынены галоўны чыгуначны вакзал польскай сталіцы «Варшава-Цэнтральная», паведаміў намеснік міністра інфраструктуры Польшчы Пётр Малешак.
Прычына закрыцця – устаноўка апаратуры і мадэрнізацыя інфраструктуры для павелічэння руху пасажырскіх цягнікоў праз галоўную чыгуначную лінію, якая праходзіць праз горад з захаду на ўсход і спалучае тры асноўныя сталічныя станцыі: «Варшава-Заходняя», «Варшава-Цэнтральная» і «Варшава-Усходняя».
Цэнтральны вакзал будзе закрыты з 8 да 16 лістапада. Функцыя часова зачыненага вакзала будзе ўскладзеная на станцыю «Варшава-Гданьская».
вс