Прэзідэнт Караль Наўроцкі наклаў вета на законапраект аб унясенні змяненняў у Закон аб абароне непаўналетніх, так званы Lex Kamilek. На думку прэзідэнта, папраўкі зніжаюць стандарты абароны дзяцей ад злачынстваў, асабліва ў сексуальнай сферы.
Школы і групы, якія працуюць з дзецьмі і моладдзю, чакаюць змяненняў у законапраекце Lex Kamilek, паведаміла Дарота Лобада, прэс-сакратар парламенцкай групы «Грамадзянская кааліцыя».
Папраўка была накіравана на ліквідацыю непатрэбных фармальнасцей і празмернай нагрузкі на школы. Напрыклад, суправаджальнікі на школьных экскурсіях мусяць прадставіць выпіску з Нацыянальнага рэестра крымінальных злачынстваў. Папраўкай прапанавалася патрабаваць заяву асобы аб адсутнасці судзімасці, сказала Дарота Лабода (Dorota Łoboda).
— Патрабаваць выпіску з суда аб адсутнасці судзімасці ад бацькоў, якія адпраўляюцца ў паездку з дзецьмі ў прысутнасці настаўніка або праводзяць мерапрыемствы з дзецьмі ў прысутнасці настаўніка — празмернае патрабаванне. Няма ніводнага выпадку, калі б чалавек у прысутнасці настаўніка ўжываў гвалт у адносінах да дзяцей, таму ў гэтым выпадку няма рызыкі для дзіцяці. Дастаткова, каб бацька проста заявіў аб адсутнасці судзімасці.
Папраўка ў Закон аб абароне непаўналетніх адмяніла б таксама патрабаванне праверкі, напрыклад, суддзі або супрацоўніка паліцыі, які прыходзіць у школу на ўрок з дзецьмі.
Паводле Канцылярыі прэзідэнта, недахопам новай рэдакцыі закона з'яўляецца немагчымасць праверкі дэкларацый аб адсутнасці судзімасці, пададзеных замежнікамі.
IAR/яс