Еўрапейская камісія разглядае магчымасць поўнага або частковага вызвалення Польшчы ад удзелу ў агульнаеўрапейскай сістэме перасялення мігрантаў. Канчатковае рашэнне прымуць краіны-члены ЕС большасцю галасоў у 2026 годзе.
Камісар Еўрасаюза па міграцыі Магнус Брунэр адзначыў, што Польшча знаходзіцца ў асаблівым становішчы:
«Польшча сутыкаецца з вялікім міграцыйным ціскам, бо прыняла значную колькасць грамадзян Украіны, якія атрымалі часовую абарону як уцекачы ад вайны».
Польскія ўлады таксама падкрэсліваюць, што нясуць высокія выдаткі на ахову ўсходняй мяжы ЕС і таму патрабуюць вызваліць краіну ад абавязковага ўдзелу ў Міграцыйным пакце.
Акрамя Польшчы, на выключэнне могуць прэтэндаваць Аўстрыя, Балгарыя, Харватыя, Чэхія і Эстонія. Паводле пакту, краіны-чальцы павінны прымаць частку ўцекачоў або выплачваць 20 тысяч еўра за кожнага не прынятага мігранта, аднак дзяржавы пад асаблівым ціскам могуць атрымаць выключэнне.
iar/эж