Міністр замежных спраў Радаслаў Сікорскі лічыць, што спіс суднаў ЕС, якія ўжо падпадаюць пад санкцыі, павінен быць сінхранізаваны з амерыканскім і брытанскім, бо тады абмежаванні будуць больш эфектыўнымі.
Міністр замежных спраў Польшчы таксама выступае за праверку таго, ці адпавядаюць судны тэхнічным патрабаванням і ці маюць яны страхоўку, з якой можна спаганяць кампенсацыю. Радаслаў Сікорскі падкрэсліў, што многім з гэтых суднаў больш за 20 гадоў і яны плаваюць пад фальшывымі сцягамі або наогул без сцяга.
«Мы не можам цярпець такую анархію на моры», — дадаў Радаслаў Сікорскі.
Паводле ацэнак, у расійскім ценявым флоце працуе каля тысячы суднаў. Больш за палову ўжо падпалі пад санкцыі ЕС.
IAR/яс