Міністр унутраных спраў і адміністрацыі Марцін Кярвінскі высока ацаніў поспех Польшчы.
«Польшча вызвалена ад любога механізму перасялення, а таксама ад любых звязаных з ім выдаткаў. У гэтым плане, здаецца, мы дасягнулі ўсяго, чаго хацелі», – падкрэсліў міністр унутраных спраў і адміністрацыі.
Марцін Кярвінскі сказаў, што рашэнне было карысным для Польшчы і не выклікала энтузіязму ва ўсіх краінах.
«Дыскусія была гарачай, бо не ўсе еўрапейскія краіны задаволены гэтымі рашэннямі. Краіны Поўдня незадаволеныя. Каментарыі, выказаныя паўднёвымі краінамі, сапраўды сведчаць аб тым, наколькі далёка мы зайшлі як Польшча», – падкрэсліў міністр унутраных спраў і адміністрацыі.
У выпадку Польшчы былі ўлічаны высокія выдаткі на ахову ўсходняй мяжы з Беларуссю, а таксама той факт, што Польшча прыняла ваенных бежанцаў з Украіны. Фонд салідарнасці ў пакце аб міграцыі прадугледжвае, што краіны альбо прымаюць мігрантаў з краін, якія змагаюцца з хваляй бежанцаў, альбо плацяць 20 000 еўра за кожнага чалавека, якога не прынялі. Прадугледжаны выключэнні. Іх атрымалі Польшча, Аўстрыя, Харватыя, Чэхія і Эстонія.
ав