Сотні тысяч жыхароў Кіева дагэтуль застаюцца без электрычнасці і ацяплення пасля расійскіх удараў па ўкраінскай энергетычнай інфраструктуры.
Паводле рашэння прэм’ер-міністра Польшчы Дональда Туска, Варшава аказвае падтрымку ўкраінскай сталіцы, накіраваўшы туды генератары і прамысловыя абагравальнікі з запасаў Урадавага агенцтва стратэгічных рэзерваў. Дадаткова сотні генератараў будуць перададзены са сродкаў Еўрапейскага Саюза. Першыя транспарты з гуманітарнай дапамогай адправіўся ў пятніцу, 23 студзеня.
Як паведаміў мэр Варшавы Рафал Тшаскоўскі, сталіца Польшчы таксама далучыцца да падтрымкі, накіраваўшы ў Кіеў амаль сто генератараў.
«Гэтыя генератары мы сёння даставім у Кіеў. За маёй спінай — пяць машын, на якіх знаходзіцца 90 генератараў: як прамысловых, здольных забяспечваць электраэнергіяй шпіталі, так і меншых. Гэта менавіта тое абсталяванне, пра якое прасіў мэр Кіева Віталь Клічко», — адзначыў Тшаскоўскі.
Усяго Урадавая агенцтва стратэгічных рэзерваў перадасць 379 генератараў і 18 прамысловых абагравальнікаў. У межах дапамогі ЕС будзе пастаўлена яшчэ 447 генератараў. Дастаўку абсталявання з Варшавы ў Кіеў забяспечыць Дзяржаўная пажарная служба Польшчы.
iar/эж