Польшча не будзе адпраўляць войскі ў Іран, заявіў прэм'ер-міністр Дональд Туск. Адкрываючы пасяджэнне кабінета міністраў, ён адзначыў, што польскія ўзброеныя сілы маюць іншыя задачы ў рамках НАТА:
— Гэты канфлікт не тычыцца непасрэдна нашай бяспекі. У Польшчы іншыя задачы ў рамках НАТА. Гэта тычыцца і нашых сухапутных, і паветраных, і марскіх сіл. Нашы саюзнікі, у тым ліку амерыканцы, гэта вельмі добра разумеюць. Няма прычын хвалявацца, урад не плануе місій у іранскім напрамку. І гэта не выклікае сумневаў сярод нашых саюзнікаў.
Учора (16 сакавіка) на сустрэчы міністраў замежных спраў ЕС у Бруселі зварот прэзідэнта ЗША аб дапамозе ў разблакаванні Армузскага праліва быў адхілены. Іран блакуе Армузскі праліў у адказ на амерыкана-ізраільскія атакі. Прэзідэнт Дональд Трамп цяпер чакае, што еўрапейскія саюзнікі па НАТА далучацца да намаганняў па вырашэнні праблемы. Ён пагражаў, што ў адваротным выпадку гэта будзе мець негатыўныя наступствы для Альянсу.
ав