62,6 працэнта палякаў лічаць словы Дональда Трампа пра знішчэнне цывілізацыі непрымальнымі, піша «Rzeczpospolita», прадстаўляючы вынікі апытання на гэтую тэму.
19,1 працэнта адказалі, што гэта перабольшанне, але зразумелае ў супастаўленні з перамовамі. 13,7 працэнта апытаных заявілі, што гэта адлюстроўвае жорсткую пазіцыю амерыканскага прэзідэнта па Іране, а 4,5 працэнта не мелі меркавання на гэты конт.
Сярод прыхільнікаў кіруючай у Польшчы кааліцыі, 92 працэнты лічаць словы Дональда Трампа непрымальнымі ў параўнанні з 44 працэнтамі прыхільнікаў палітычнай апазіцыі. 29 працэнтаў апытаных падтрымалі амерыканскага лідара ў гэтым выказванні.
Заявы прэзідэнта ЗША часцей успрымаюцца негатыўна жанчынамі (72%), чым мужчынамі (52%).
Людзі ва ўзросце 18-29 гадоў найбольш паблажліва ставяцца да пагроз кіраўніка Белага дома — толькі 31% прадстаўнікоў гэтай узроставай групы ставяцца да іх крытычна.
Апытанне праводзілася 10 і 11 красавіка гэтага года сярод групы з 1074 рэспандэнтаў.
Словы «уся цывілізацыя загіне сёння ўвечары» былі вымаўлены Дональдам Трампам 7 красавіка, незадоўга да заканчэння тэрміну ўльтыматуму, які ён выставіў Ірану, калі той не разблакуе Армузскую пратоку, праз які праходзіць значная частка сусветнага транспарту нафты.
яс