Учора ў Любліне адбылася першая сустрэча кіраўніка польскага ўраду з прэзідэнтам Украіны пасля рашэння польскага прэзідэнта Караля Наўроцкага пазбавіць Уладзімера Зяленскага ордэна Белага Арла.
Палітыкі размаўлялі ў Любліне па вяртанні прэзідэнта Зяленскага з ЗША. Візіт у Вашынгтон стаў адной з асноўных тэм абмеркавання, у тым ліку пытанне ваеннага супрацоўніцтва ў сферы супрацьпаветранай абароны з выкарыстаннем сістэм Patriot.
Сёння прэмʼер-міністр Дональд Туск распавёў, што прэзідэнт Уладзімір Зяленскі папярэдзіў яго аб масавых расійскіх бамбаваннях Украіны.
— Я магу сёння сказаць, што размова тычылася ўзмацнення супрацоўніцтва паміж Польшчай і Украінай у пытаннях супрацьракетнай абароны, супрацоўніцтва ў паветры перад пагрозай з боку Расіі. Прэзідэнт Зяленскі мяне папярэджваў, што Расія рыхтуе масавы напад на Украіну, што расіяне будуць інтэнсіфікаваць удары.
У раён парушэння паветранай мяжы быў адпраўлены знішчальнік F-16 для ідэнтыфікацыі і перахопу. Праз шэсць хвілін абʼект знік з радарных сістэм, патлумачылі ў Аператыўным камандаванні Узброеных Сіл. Жыхары паведамілі, што чулі выбух.
Міністр замежных спраў Украіны Андрэй Сыбіга заявіў, што ў польскую паветраную прастору заяляцела расійская ракета Х-101.
ПР/юл