У краіне назіраюцца сур'ёзныя недахопы ў сістэме супрацьпаветранай абароны і апавяшчэння — мяркуе дэпутат Еўрапарламента Пётр Мюлер з нядаўна створанага ў Польшчы аб’яднання «Rozwój Plus». У чацвер, 30 ліпеня ў населеным пункце Тарнава-Калонія непадалёк ад Любліна ўпала расійская крылатая ракета Х-101. Ніхто не пацярпеў.
Пётр Мюлер (Piotr Müller) заявіў у эфіры Польскага радыё, што жыхары Люблінскага ваяводства не атрымалі ніякай інфармацыі пра тое, што адбываецца, нягледзячы на тое, што гучалі сірэны паветранай трывогі.
— Тыя, хто спаў ноччу, не ведаў, што ёсць нейкая пагроза, што трэба схавацца. Я маю на ўвазе гэты канкрэтны выпадак, але мне хацелася б, каб мы рабілі высновы з мінулых здарэнняў. Гэта неабходна, каб у будучыні было лепш. Каля 10 месяцаў таму ў Польшчу заляцелі расійскія беспілотнікі, а польскія дзяржаўныя інстытуты не зрабілі высноў. У гэтым заключаецца мая прэтэнзія.
Прэм'ер-міністр Дональд Туск заявіў, што вайскоўцы сачылі за палётам ракеты і былі гатовыя яе збіць. Аднак гэтага не было зроблена. Паводле ўрада, усе працэдуры былі выкананы. Аднак былі абвешчаныя змены ў сістэме апавяшчэння аб пагрозах. Пракуроры запланавалі на сёння (пятніцу, 31 ліпеня) далейшыя працэсуальныя дзеянні па гэтай справе, у прыватнасці, экспертызу абломкаў ракеты. Стала вядома, што ў расследаванні будзе ўдзельнічаць украінскі эксперт, які дапаможа ідэнтыфікаваць аб'ект.
IAR/нг