Польскія знішчальнікі перахапілі расійскі самалёт над Балтыйскім морам

Гэта чарговы падобны інцыдэнт з расійскім самалётам на гэтым тыдні.

Іл-20. Здымак мае ілюстрацыйны характар.

Autorstwa Kirill Naumenko - http://www.airliners.net/photo/Ilyushin-Il-20M/1567560/L/&sid=7ddc3313380fd5c58e193241e501277c, CC BY-SA 3.0, https://commons.wikimedia.org/w/index.php?curid=16647683

Пра чарговы інцыдэнт над Балтыйскім морам з удзелам расійскага разведвальнага самалёта Іл-20 паведаміў віцэ-прэм'ер і міністр нацыянальнай абароны Уладзіслаў Косіняк-Камыш на партале X.

Kolejny incydent nad Bałtykiem z udziałem rosyjskiego samolotu rozpoznawczego IŁ-20. 40 km na północ od Ustki nasze myśliwce przechwyciły rosyjski samolot, który nie miał włączonych urządzeń identyfikacyjnych i stwarzał zagrożenie dla lotnictwa cywilnego. Nie doszło do naruszenia… pic.twitter.com/UoIsUYm7mx

— Władysław Kosiniak-Kamysz (@KosiniakKamysz) September 3, 2026

— За 40 кіламетраў на поўнач ад горада Устка нашы знішчальнікі перахапілі расійскі самалёт, у якога не былі актываваныя ідэнтыфікацыйныя прылады, і які ўяўляў пагрозу для грамадзянскай авіяцыі. Парушэння польскай паветранай прасторы не было, — чытаем у паведамленні.

Папярэдні інцыдэнт над Балтыйскім морам адбыўся ў панядзелак за 30 кіламетраў на поўнач ад горада Лэба. Польскія знішчальнікі перахапілі расійскі Іл-20. У гэтым выпадку парушэння польскай паветранай прасторы над морам таксама не было.

IAR/аз