У Польшчу прыбыла новая партыя амерыканскіх танкаў M1A2 SEPv3 Abrams — 35 машын, якія неўзабаве паступяць на ўзбраенне 18-й механізаванай дывізіі. Пасля гэтай пастаўкі польская армія ўжо атрымала 217 з 250 новых Abrams, замоўленых у ЗША ў 2022 годзе за $4,75 млрд.
Астатнія 33 танкі павінны перайсці польскім вайскоўцам да канца года. Акрамя новых машын, Польшча атрымала 116 ужываных M1A1 з запасаў амерыканскай арміі. Такім чынам, у перспектыве польскія Узброеныя сілы будуць мець 366 Abrams.
Пакупка танкаў стала часткай маштабнага ўмацавання польскіх бранятанкавых войскаў, у тым ліку пасля перадачы часткі ўзбраення савецкага ўзора Украіне. У перспектыве M1A1 плануюць мадэрнізаваць да стандарту M1A2 SEPv3, што дазволіць уніфікаваць парк.
Польшча стала першай еўрапейскай краінай, якая набыла Abrams, і першай дзяржавай НАТА па-за ЗША, якая прыняла іх на ўзбраенне. Танкі Abrams знаходзяцца на ўзбраенні амерыканскай арміі з 1980-х гадоў.
PAP/ez