Мужчыне, затрыманаму ў сувязі з пагрозамі ў адрас прэмʼера Дональда Туска і віцэ-прэмʼера Уладзіслава Касіняка-Камыша, больш за 60 гадоў і ён жыве ў Ніжняй Сілезіі. Пра гэта ў эфіры Першай праграмы грамадскага Польскага радыё паведаміў намеснік міністра ўнутраных спраў і адміністрацыі.
Веслаў Шчaпаньскі (Wiesław Szczepański) падкрэсліў, што справа цяпер расследуецца, і таму службы не раскрываюць усіх падрабязнасцей.
— Мы атрымалі гэтую інфармацыю і яна была настолькі верагодная, што было вырашана знайсці гэтага чалавека. Праз больш як 10 гадзін з моманту паступлення паведамлення ён быў затрыманы і змешчаны пад варту. Гэта 60-гадовы жыхар Ніжняй Сілезіі, які прытрымліваецца ўльтранацыяналістычных поглядаў, — заявіў віцэ-міністр.
Як паведаміў палітык, пакуль што затрыманы толькі адзін чалавек. Тое, ці ў яго былі нейкія хаўруснікі, стане прадметам далейшага расследавання.
Мужчыну затрымалі ў нядзелю (11 кастрычніка) пасля таго, як Служба аховы дзяржавы атрымала электронны ліст з пагрозамі ў адрас прэмʼера і віцэ-прэмʼера Польшчы.
IAR/аз