Сэрвісны цэнтр зенітных ракетных комплексаў Patriot хутчэй за ўсё будзе створаны ў Польшчы, паведаміў прэм'ер-міністр краіны Дональд Туск. Кіраўнік ураду атрымаў гэтую інфармацыю з Брусэля ад намесніцы міністра нацыянальнай абароны Магдалены Сабковяк-Чарнецкай.
— Перамовы аб стварэнні сэрвіснага цэнтру комплексаў Patriot набліжаюцца да завяршэння. Мы б вельмі хацелі, каб ён быў размешчаны ў Польшчы. Многае сведчыць пра тое, што цэнтр сапраўды будзе створаны ў нас, але пакуль што я не магу раскрываць падрабязнасці. Гэтае рашэне стала б надзвычай важным з пункту гледжання абароны.
Стварэнне сэрвіснага цэнтру Patriot у Еўропе спрасціла б працэс рамонту і абслугоўвання ракет — мх не трэба было б адпраўляць у Злучаныя Штаты. У якасці іншай краіны размяшчэння цэнтру ЗША разглядаюць Германію.
Patriot — адзін з найбольш сучасных у свеце зенітных ракетных комплексаў. Вырабляецца ў ЗША канцэрнам Raytheon з 1981 года. Актуальна выпускаецца чарговае пакаленне гэтай зброі.
вс