Святлана Ціханоўская выказала спачуванні палякам у сувязі з тэрактам у Кракаве, які меў месца ў суботу, 7 лістапада. Яна зазначыла, што «глыбока засмучаная жахлівым выпадкам стральбы на Галоўным рынку ў Кракаве».
– Мае думкі – з кожнай сям’ёй, якая аплаквае страту блізкага чалавека. Жадаю ўсім пацярпелым сіл і хутчэйшага выздараўлення. Нашым польскім сябрам: беларусы падзяляюць ваш смутак у гэты цяжкі момант, – зазначыла палітык у сацсетцы Х вечарам, 7 лістапада.
На наступны дзень яна напісала, што «аддае даніну павагі супрацоўнікам Якубу Куліку і Артуру Мараньскаму, якія атрымалі раненні, спыняючы нападніка, а таксама ўсім, хто кінуўся на дапамогу». Ціханоўская зазначыла, што жадае ім хуткага выздараўлення.
– Жадаю абодвум супрацоўнікам поўнага выздараўлення. Ваша мужнасць выратавала шмат жыццяў, – падкрэсліла Ціханоўская.
Сёння стала вядома, што мужчына, які ўчыніў смяротную страляніну ў Кракаве ў суботу, памёр у бальніцы.
вс