Польскія гарады ўзмацняюць бяспеку калядных кірмашоў: усталёўваюць бар’еры супраць несанкцыянаванага ўезду аўтамабіляў, дадаюць камеры назірання і павялічваюць колькасць патрулёў. Дадатковыя меры прадугледзелі, сярод іншых, Познань, Гданьск, Кракаў, Варшава і Уроцлаў.
У Познані калядны кірмаш адкрыецца 14 лістапада. Усе ўезды на яго тэрыторыю будуць абароненыя ад несанкцыянаванага праезду, а ахоўныя патрулі будуць дзяжурыць кругласутачна.
— Усе брамы будуць абароненыя ад несанкцыянаванага ўезду. Акрамя таго, падчас кірмашу кругласутачна будуць працаваць ахоўныя патрулі. У выходныя, калі наведнікаў больш, ахову дадаткова ўзмоцняць, — паведаміў кіраўнік праекта Міжнародных кірмашоў Познані Матэвуш Фанфара.
У Гданьску ўсталююць дадатковыя камеры з аглядам 360 градусаў, а паліцыя павялічыць колькасць супрацоўнікаў на дзяжурстве. У Любліне на ўзмацненне паліцэйскіх патрулёў да канца года выдзеляць дадатковыя 500 тыс. злотых.
iar/эж