Беларуская Служба
Дадай у Google

Дадайце нас у абраныя крыніцы ў Google, каб нашы навіны заўсёды былі сярод першых вынікаў вашага пошуку

Міністр нацабароны Польшчы сустрэнецца ў Бруселі з намеснікам кіраўніка Пентагона

16.11.2026 15:00
Гэта будзе чарговая нагода пагутарыць пра пашырэнне амерыканскай вайсковай прысутнасці ў Польшчы, пераконвае польскі палітык.
    -
Міністр нацыянальнай абароны Уладзіслаў Касіняк-Камыш PAP/Łukasz Gągulski

Міністр нацыянальнай абароны заўтра (17 лістапада) ў Бруселі правядзе сустрэчу з намеснікам дзяржсакратара ЗША па абароннай палітыцы Элбрыджам Колбі, які таксама адказвае за агляд амерыканскіх войскаў у Еўропе.

Сустрэча адбудзецца на палях саміту міністраў абароны ЕС. Уладзіслаў Касіняк-Камыш (Władysław Kosiniak-Kamysz) заявіў, што мэта сустрэчы з Элбрыджам Колбі — павялічыць прысутнасць амерыканскіх войскаў у Еўропе.

— Прычына сустрэчы — цыклічныя пасяджэнні міністраў абароны ЕС. Адным з пунктаў парадку дня з’яўляюцца трансатлантычныя адносіны. На палях гэтай сустрэчы ў мяне будзе магчымасць пагутарыць з намеснікам дзяржсакратара Колбі. Мая мэта адна — павелічэнне прысутнасці амерыканскіх вайскоўцаў у Польшчы, — заявіў кіраўнік Мінабароны Польшчы.

Напярэдадні агенцтва «Bloomberg» паведаміла, што з Еўропы будзе выведзена прыблізна пяць тысяч вайскоўцаў, але ўсходні фланг НАТА будзе ўмацаваны.

Верагодна, прычынай меншага, чым планвалася скарачэння, з'яўляецца станоўчая рэакцыя амерыканцаў на еўрапейскія абаронныя інвестыцыі.

IAR/аз