Новы прэзідэнт Украіны, як адзін з першых лідараў, прыбыў у Варшаву для ўдзелу ў заўтрашніх урачыстасцях 80-годдзя пачатку Другой сусветнай вайны.
Уладзімір Зяленскі сустрэўся з прэзідэнтам Анджэем Дудам і прэм'ер-міністрам Матэвушам Маравецкім.
Гэта першы візіт у Польшчу, абранага ў красавіку, новага ўкраінскага прэзідэнта. У пачатку чэрвеня Уладзімір Зяленскі размаўляў з прэзідэнтам Польшчы Анджэем Дудам у Бруселі.
Сёння будуць абмяркоўвацца планы ўкраінскіх рэформаў і сітуацыя на ўсходзе Украіны, дзе працягваецца канфлікт з прарасейскімі сепаратыстамі.
Кіраўнік Кабінета прэзідэнта Польшчы Кшыштаф Шчэрскі (Krzysztof Szczerski) паведамляе, што размова будзе тычыцца і двухбаковых адносін.
- Гаворка пойдзе, між іншым, пра забарону на польскія эксгумацыі ва Украіне, эканамічныя адносіны, гандаль. Мы чакаем таксама выразнай дэкларацыі, адносна еўраатлантычных імкненняў Украіны і станоўчых адносінаў з Польшчай – найбуйнейшым суседам на Захадзе.
Ужо ў красавіку ў Бруселі новы ўкраінскі прэзідэнт запэўніваў, што яго краіна не адмаўляецца ад жадання ўступіць у НАТО і Еўрапейскі Саюз.
аз