Сёння з Познані адправіўся транспарт з гуманітарнай дапамогай для жыхароў Лівана. З просьбай аб падрыхтоўцы падарункаў для ліванцаў да Фонду Redemptoris Misio звярнуліся польскія жаўнеры, якія дыслакуюцца ў гэтай краіне.
Паводле польскіх вайскоўцаў, жыхары Лівана змагаюцца са шматлікімі праблемамі. Беднасць паглыбляецца, школы і бальніцы атрымліваюць недастатковае ўрадавае фінансаванне з-за фінансавага крызісу і нестабільнай палітычнай сітуацыі. У краіне не хапае асноўных медыцынскіх артыкулаў, якіх патрабуюць таксама сірыйскія ўцекачы.
У гуманітарным грузе, падрыхтаваным Фондам Redemptoris Misio, знаходзяцца перавязачныя матэрыялы, сродкі гігіены і школьныя прыналежнасці.
Груз павінен трапіць у Ліван ужо 15 студзеня. На месцы яго размяркуюць польскія жаўнеры.
Познаньскі фонд Redemptoris Misio супрацоўнічае з польскімі жаўнерамі, якія дыслакуюцца ў Афганістане больш за 10 гадоў і дапамагае жыхаром гэтай краіны.
аз