З 16 красавіка ў Польшчы пачаў дзейнічаць абавязак закрыцця роту і носу ў грамадскіх месцах. Гэта чарговы крок урада па барацьбе з эпідэміяй карнавіруса. Закрыццё твару не вызваляе ад абавязку захоўваць сацыяльную дыстанцыю, тлумачыць намеснік галоўнага санітарнага інспектара Польшчы Гжэгаш Худзік:
-Ужыванне якой-кольвечы заслоны на рот і нос дапамагае, але гэтыя захады не дазваляюць нам змяншаць сацыяльную адлегласць, ці весці размовы з кімсьці твар у твар.
Абавязак закрыцця роту і носу ў грамадскіх месцах не распаўсюджваецца на дзяцей ва ўзросце да 4 гадоў і людзей, якія маюць сур'ёзныя праблемы з дыханнем ці не могуць самастойна зняць маску або хусцінку.
Тым часам каранавірус працягвае шырыцца Польшчай. Раніцай 16 красавіка тут налічвалася 7771 носьбітаў гэтай хваробы, 292 пацыенты памерлі.
IAR/TVN/эж