З вечара ў аўторак па сераду раніцай колькасць носьбітаў каранавіруса SARS-CoV-2 павялічылася ў Польшчы на 229 чалавек, памёр адзін пацыент – 77-гадовая жанчына, паведаміла Міністэрства аховы здароўя.
Агулам па краіне налічваецца 22 тыс. 303 носьбіты каранавіруса. Ад хваробы COVID-19, якая можа развіцца ў выніку SARS-CoV-2, у Польшчы памерла 1025 чалавек, 10 330 чалавек выздаравела, у тым ліку 310 – за мінулыя суткі.
Агулам у свеце налічваецца больш за 5 млн 700 тыс. носьбітаў каранавіруса з пацверджаным лабараторнымі тэстамі дыягназам. У выніку развіцця COVID-19 памерла больш за 352 тыс. 500 чалавек, а выздаравела больш за 2 млн 450 тыс.
вс