Урад Польшчы плануе ўвесці дзіцячы турыстычны ваўчар коштам у 500 злотых (прыкладна 110 еўра). Ваўчар атрымлівала б кожнае дзіця і падлетак ва ўзросце да 18 гадоў на выкарыстанне ў турыстычных мэтах на тэрыторыі Польшчы. Мэта ўвядзення ваўчара – ажыўленне ўнутранага турыстычнага рынку, які панёс значныя страты ў выніку эпідэміі каранавіруса.
Паводле прэзідэнта краіны Анджэя Дуды, у Польшчы выхоўваецца каля 2 млн 500 тыс. дзяцей, у большасці сем'яў як мінімум двое дзяцей. Такім чынам, 80% семʼяў атрымае турыстычную датацыю ў памеры 1000 злотых, зазначыў Дуда.
Адпаведны закон плануецца ўнесці на разгляд Сейма краіны яшчэ да канікул. Мяркуецца, што ваўчар можна будзе выкарыстаць да канца 2021 года.
вс