У першыя два тыдні ліпеня польская нацыянальная авіякампанія LOT у першую чаргу будзе прапаноўваць рэйсы ў краіны Шэнгенскай зоны, а таксама ў папулярныя месцы адпачынку.
Шэнгенская зона ўключае ў сябе 22 краіны Еўразвязу. Да пачатку пандэміі яны складалі зону, якая дазваляла бесперашкодна перасоўвацца.
Польшча прыпыніла міжнародныя рэгулярныя рэйсы 15 сакавіка. Запавольвання росту ліку заражаных каранавірусам Sars-Cov-2 дазволіла аднавіць транспартнае злучэнне з большасцю краін Еўрапейскага Звязу ў сераду, 17 чэрвеня.
Намеснік міністра інфраструктуры Марцін Горала заявіў у мінулым месяцы, што Польшча верне пасажырскія рэйсы ў тры этапы: спачатку па ўнутраных маршрутах, затым па маршрутах у еўрапейскія пункты прызначэння і, нарэшце, міжкантынентальныя злучэнні, але толькі ў рэгіёны, дзе эпідэмія знаходзіцца пад кантролем.
1 чэрвеня Польшча зноў адкрыла сваё неба для ўнутраных рэйсаў, і LOT аднавіў авіязлучэнне паміж васьмю гарадамі.
IAR/эж