Міністр нацыянальнай абароны Марыюш Блашчак прыняў рашэнне, што мужчыны, якія апошнім часам страцілі працу, могуць у Войску Польскім атрымаць рэзервовую падрыхтоўку. Гэта прапанова для тых, хто хоча ўдасканаліць свае здольнасці, як і для мужчын, якія ўпершыню сутыкнуцца з Узброенымі сіламі – гаворыць падпалкоўнік Збігнеў Адамчык з Радама:
-Мы распачалі супрацу з біржамі працы, з мясцовымі ўладамі, выслалі плакаты з тэрмінамі падрыхтоўкі. Ахвотныя запісваюцца і мы прызываем іх на рэзервовую падрыхтоўку.
Падчас падрыхтоўкі рэзервісты і кандыдаты на жаўнераў маюць поўнае харчаванне, пражыванне ў казармах. Рэзервісты (той, хто прайшоў ваенную падрыхтоўку), ці асобы з вайсковым званнем могуць разлічваць на зарплату ад 3,5 тысяч злотых (800 еўра).
Тыя, хто ўпершыню сутыкаецца з войскам, атрымаюць 1,2 тысячы злотых (270 еўра) заробку ў месяц і дадатковыя 2,6 тысячы (590 еўра) злотых на канец падрыхтоўкі.
ав