Урад Польшчы прапанаваў план павышэння мінімальнай заработнай платы ў краіне да 2800 польскіх злотых (635 еўра). Новы памер «мінімалкі» стане абавязковым са студзеня 2021 года. Між тым, мінімальная пагадзінная стаўка будзе павышаная да 18,30 польскіх злотых (4,15 eўра) паведамілі ў аўторак афіцыйныя асобы.
Прапанаваныя лічбы па-ранейшаму падлягаюць узгадненню з партнёрамі ўрада ў рамках Рады грамадскага дыялогу, паведамляе інфармацыйнае агенцтва IAR.
Мінімальная месячная заработная плата ў краіне вырасла да 2600 злотых (590 еўра) у пачатку гэтага года. У 2019 годзе яна складала 2250 злотых.
Між тым, мінімальная пагадзінная стаўка ў Польшчы ў цяперашні час устаноўлена на ўзроўні 17 польскіх злотых (3,85 Еўра), у параўнанні з 14,70 польскіх злотых годам раней.
Сярэдняя польская месячная заработная плата ў чэрвені склала 5286 польскіх злотых (1180 еўра), паведаміла ў гэтым месяцы Галоўнае статыстычнае ўпраўленне Польшчы.
IAR/эж