Міністр нацыянальнай абароны Польшчы Марыюш Блашчак(Mariusz Błaszczak) пераконвае, што Джо Байдэн будзе працягваць цяперашнюю амерыканскую палітыку на ўсходнім флангу НАТА. Госць Першай праграмы грамадскага Польскага радыё кажа, што ўсе амерыканскія палітыкі згодныя па гэтай справе. Кіраўнік Мінабароны нагадаў, што колькасць амерыканскіх вайскоўцаў у Польшчы будзе павялічаная:
- Паводле дамовы, якую мы заключылі 15 жніўня бягучага году, колькасць амерыканскіх жаўнераў у Польшчы павінна быць павялічаная. Надоечы я размаўляў з камандзірамі амерыканскай арміі, якія пацвердзілі, што дамова будзе рэалізаваная.
Нагадваем, пагадненне аб польска-амерыканскім супрацоўніцтве, падпісанае 15 жніўня, таксама прадугледжвае стварэнне ў Польшчы Камандавання 5-га Корпуса амерыканскай арміі. Як падкрэсліў міністр Блашчак, менавіта з Польшчы будуць камандаваць усімі сіламі НАТА на ўсходнім флангу.
аз