Пагроза лавінаў абвешчана ў Бяшчадах

У вёсках, што ляжаць у падножжа Бяшчадаў, тэмпература паветра вагалася ад чатырох да пяці градусаў марозу.

Бяшчады

Фота: shutterstock.com/Tomasz Mazon

У суботу, 9 студзеня на паўднёвым усходзе Польшчы ў гарах Бяшчады абвешчана першая з пяці ступень пагрозы лавінаў. Месцамі ляжыць да паўметра снегу, напрыклад на паланінах Ветліньская, Царыньская, Тарніца ды на схілах Вялікай Раўкі.

У вёсках, што ляжаць у падножжа Бяшчадаў, тэмпература паветра вагалася ад чатырох да пяці градусаў марозу. У далінах ляжыць каля 10 см снегу. Нягледзячы на першую ступень пагрозы лавінаў, у Бяшчадах усталяваліся добрыя турыстычныя ўмовы, кажа дзяжурны горны ратавальнік Воцех Жонса:

-Надвор’е стабілізавалася, ляжыць прыкладна 15 см свежага снегу, а ў гарах, на ветраных схілах снежны пакроў можа дасягаць нават паўметра. Тэмпература трымаецца на ўзроўні чатырох градусаў марозу, амаль няма ветру.

Узімку Бяшчады заслужана з’яўляюцца адным з улюбёных месцаў актыўнага адпачынку палякаў.

iar/эж