Міністэрства аховы здароўя Польшчы паведаміла ў сераду, 28 красавіка, што за апошнія суткі зафіксавана 8895 новых выпадкаў заражэння каранавірусам Sars-Cov-2. У ведамстве таксама паведамілі, што ад гэтай хваробы памерлі чарговыя 636 пацыентаў. Найбольшая колькасць новых заражэнняў зафіксавана на поўдні Польшчы ў Сілезскім, Вялікапольскім ваяводствах і ў сталічным Мазавецкім ваяводстве.
Аднак намеснік міністра аховы здароўя Вальдэмар Краска адначасова паведаміў, што 28 красавіка было выяўлена на 40% менш выпадкаў каранавіруса, чым тыдзень таму, і гэта добрая навіна лічыць намеснік міністра:
-Штодня змяншаецца колькасць шпіталізацыяў цягам апошніх сутак было занята на 1600 «ковідных ложкаў» і на 100 апаратаў ШВЛ меней чым тыдзень таму. Гэта вельмі добрая навіна. Скарачаецца не толькі колькасць новых пацыентаў, але і колькасць занятых ложкаў. Мяне такія дадзеныя вельмі цешаць, мы за німі пільна сочым. Таксама яскравым прыкладам зніжэння тэмпаў эпідэміі з’уяўляецца колькасць выклікаў «хуткай». Тыдзень таму такіх выклікаў было больш за 11,5 тысяч, а цяпер толькі 8,5 тысяч.
У сваю чаргу прэзідэнт Польшчы Анджэй Дуда выказаў упэўненасць, што неўзабаве з'явіцца магчымасць далейшага паступовага аднаўлення працы некаторых галінаў гаспадаркі, якія былі фактычна замарожаныя ў выніку эпідэмічных абмежаванняў.
У аўторак, 27 красавіка Анджэй Дуда сустрэўся ў прэзідэнцкім палацы ў Варшаве з прадстаўнікамі бізнесу тых сектарах гаспадаркі, якія найбольш пацярпелі ў выніку абмежаванняў.
-Увесь час мы асцерагаемся, што колькасць захворванняў можа зноў значна вырасці. Працэс адмены эпідэмічных абмежаванняў павінен праходзіць павольна з улікам эпідэмічнай абстаноўкі ў розных рэгіёнах Польшчы рэгіёнах.
Прэзідэнт Дуда падкрэсліў, што адмена абмежаванняў таксама залежыць ад тэмпаў Нацыянальнай праграмы вакцынацыі супраць каранавіруса.
Вяртанне да нармальнага жыцця ў корані залежыць ад тэмпаў вакцынацыі, – дубляваў прэзідэнты прэмʼер-міністр Матэвуш Маравецкі. Пасля пасяджэння ўрадавай групы кіравання ў крызісных сітуацыях прэм’ер Маравецкі прадставіў графік эпідэмічных паслабленняў на травень.
Матэвуш Маравецкі адзначыў адзначыў, што ў траўні Польшча атрымае 10 мільёнаў доз прышчэпкі. Такім чынам, можна будзе працягваць змякчэнне абмежаванняў у асобных сектарах эканомікі:
-Толькі масавая вакцынацыя дазволіць нам забыць пра каранавірус і пра ўсе яго кепскія наступствы для сістэмы аховы здароўя, для здароўя нашых грамадзянаў, для эканамічнага развіцця. Толькі ўсеагульная вакцынацыя прывядзе нас да папуляцыйнага імунітэту.
Прэмʼер дадаў, што прыклады Вялікабрытаніі і ЗША паказваюць – там, дзе вакцынацыя зʼяўляецца папуляцыйнай, ёсць магчымасць хутка вярнуцца да нармальнага рэжыму функцыянавання розных сфер эканомікі і грамадскага жыцця.
Цяперашняя эпідэмічная абстаноўка і тэмп вакцынацыі прымушаюць не толькі Варшаву, але ўвесь Еўрапейскі Звяз вырашыць праблему мабільнасці вакцынаваных людзей. Прэмʼер-міністр Маравецкі ў сувязі з гэтым заявіў, што пытанне аб узаемнай прызнанні сертыфікатаў аб праходжанні вакцынацыі будзе абмяркоўвацца на пасяджэнні Еўрапейскай Рады. Кіраўнік польскага ўрада адзначыў, што Варшава пакуль не прыняла канчатковых рашэнняў па гэтым пытанні:
-Мы таксама павінны браць пад увагу то, якія абмежаванні ў адносінах да нашых грамадзянаў могуць выкарыстоўваць іншыя дзяржавы. Адначасова мы павінны разумець і прымаць суверэннае рашэнне кожнага чальца Еўразвязу, а таксама трэба звяртаць увагу на мэтазгоднасць схіляць людзей да вакцынацыі і ў сувязі з гэтым атрымлівалі адпаведныя сертыфікаты.
Станам на 28 красавіка, у Польшчы супраць каранавіруса было прышчэплена 10 млн 740 тысяч чалавек, у тым ліку амаль 2 млн 750 тысяч атрымалі дзве дозы прэпарату.
pr/iar/эж