«Польшча будзе адказваць за эвакуацыю і бяспечны транспарт трохсот грамадзян Афганістана, якія супрацоўнічалі з Паўночнаатлантычным альянсам у апошнія гады», – паведаміў прэм'ер -міністр Матэвуш Маравецкі на сваім профілі ў Facebook.
Кіраўнік польскага ўрада размаўляў па гэтай справе з генеральным сакратаром НАТА Енсам Столтэнбергам. Гэтыя людзі, як напісаў прэмʼер, спачатку будуць дастаўлены ў Польшчу, а потым у іншыя краіны НАТА.
«Мы вельмі сурʼёзна ставімся да сваіх хаўрусніцкіх абавязацельстваў, і гэта не апошняе слова з пункту гледжання ўдзелу ў аперацыях альянсу, звязаных з афганскім крызісам», – напісаў Матэвуш Маравецкі.
Намеснік міністра замежных спраў Польшчы Марцін Пшыдач паведаміў учора, што, паводле інфармацыі міністэрства, у Афганістане больш палякаў няма. Учора ў краіну былі дастаўлены два апошнія грамадзяне Польшчы.
IAR/аз