Раніцай у варшаўскім аэрапорце прызямліўся самалёт, які прывёз з Эфіопіі пасажыраў машыны, якая ўчора здзейсніла аварыйную пасадку ў Адыс-Абебе. Прэс-сакратар Міністэрства замежных спраў Польшчы Лукаш Ясіна (Łukasz Jasina ) паведаміў, што ўсе пасажыры знаходзяцца ў добрым фізічным і псіхічным стане:
- Самалёт з польскімі пасажырамі прызямліўся ў варшаўскім аэрапорце пасля 9.00 гадзіны раніцы. Ім прыляцелі амаль усе пасажыры (чатыры асобы раней паляцелі праз Франкфурт). У Эфіопіі застаўся экіпаж самалёта, які чакае на рамонт машыны. Члены экіпажа застаюцца пад апекай польскага дыпламатычнага консульства ў Адыс-Абебе.
Нагадваем, учора, самалёт авіякампаніі Enter Air, які ляцеў з Мамбасы ў Варшаву, здзейсніў аварыйную пасадку ў аэрапорце ў Адыс-Абебе з-за праблем з рухавіком. Пасажырамі апекавалася консульства Польшчы ў Эфіопіі, а авіякампанія накіравала ў Адыс-Абебу другі самалёт узамен.
IAR/аз